Lai bi daeuj, Nazboh Yen Minzcuzgiz naemj banhfap gaijgez Nazbu Cunh ginzcung swnghhoz swnghcanj nanzdaez, gonqlaeng hez- diuz caemhcaiq roengz cienzngaenz 292 fanh maenz. Ndawde roengz 98 fanh maenz saedhengz Mbanjsuijdouz ranzyiemj gaijguh 28 ranz 1764 bingzfanghmij, gaijgez 178 vunz youq ranz hoj vwndiz; roengz 30 fanh maenz saedhengz Dungsaj、Gveihfungh、Suijdouz、Suijlung、Nenbu daengj gwnraemx gunghcwngz, guh daemz- gyaengraemx 200 lizfanghmij, gaq gyongjraemx 9800 mij, gaijgez 1056 vunz gwnraemx hoj vwndiz; roengz 20 fanh maenz saedhengz youq gwnz bo hai naz 68 moux; roengz 18 fanh maenz youq Mbanjnazbu guh roensuijniz nem gensez vwnzva hozdung cangzsoj; roengz 15 fanh maenz saedhengz Mbanjnazbu suijli gunghcwngz; roengz 110 fanh maenz youq Suijdouz、Bwzaih、Bwzsungh daengj mbanj dajndaem faexcuk 3000 lai moux, vih ginzcung demsou fazcanj daezhawj canjyez donghsaeu. Bineix giva roengz cienzngaenz 39 fanh maenz gaijguh nem gya’gvangq roen Mbanjgveihfungh; roengz cienzngaenz 34 fanh maenz saedhengz Mbanjnazbu minzcuz doxgiet cinbu sifan hangh- moeg daengj.

Vih dawz gij hong bang hoj coengh gungz caiq ndaej doi baenaj, aen giz neix caeuq Nazbu Cunh Mbanjsuijdouz 11 hoh Myauzcuz giet baenz doiqbangfuz“1+2”“1＋1”, ndaw giz neix banhswj cwngzyenz 4 boux moix boux bangfuz 2 ranz gungzhoj, ganbu cizgungh 3 boux moix boux bangfuz ranz gungzhoj ndeu. Ganbu bangfuz doenggvaq daezhawj cwngcwz camdap、coengh ginzcung bienq naemjfap、daezhawj ciuyez siusik、coengh lozsiz hangh- moeg、bangfuz cienzngaenz daengj fuengsik, demgiengz nungzminz“cauxlwed ciengxlwed”gunghnwngz, dabdaengz gij muzdiz hawj ranz gungzhoj souhaeuj daezswng、baenz- fouq naengzlig demgiengz、dangj nem ginzcung gvenhaeh gaijndei.

(Vangz Bizvaz)