●4 nyied 17 hauh, Hozciz Siveij Dangjyau cujciz dangjyenz daengz gizdieg lienzhaeh Dava Yauzcuz Swciyen Bwzmaj Yangh Mungdou Cunh、Dwnghbaiz Cunh guh bangfuz hozdung, soengq gij daengq daiz guh bangungh de 8 dauq nem 30 lai bau fuzhozfeiz hawj cunhveij nem vunz ndaw cunh.

(Luz Haijbauh Cinz Hauz)

●4 nyied 17 hauh, Denh- dwngj Yen Bajhoz Yangh ginz- cung angq lingx 6000 go dinfaex gobug dijbauj youz Swcigih Linzyez Dingh fathawj de, neix hawj doenghgij diegbya neix ndaem faex gya hoengh lo.

(Liengz Cwngzfuj Veiz Cinhmenz)

●4 nyied 17 hauh, ciuq Cunghgoz Yinzminz Yinzhangz Cungzcoj Cihhangz gyoepsuenq, Cungzcoj Si minzcuz giyez youq geiqdoh daih’it ndaej gij cienz boujdiep leihsik de 1567.99 fanh maenz, doengzbeij gyalai 314.8%, beij bi’gvaq caemh duenh seizgan gyalai 378.52 fanh maenz.

(Luz Gunh)

●4 nyied 16 hauh, Dava Yauzcuz Swciyen Dava Cin Lungzgouj Cunh aen hawfwen conzdungj Bouxcuengh de hai lo, gyawj 3 bi neix, aen yienh neix miz le Yenzdanh Cin hawfwen Yenzdan、Gyanghhih Yangh hawfwen Ai’hih、 Yizhih Yangh hawfwen Bahyenz、Bwz- gingj Yangh hawfwen Bingz- fangh, liuxle neix youq gya hai aen hawfwen Bouxcuengh moq ndeu, vunzlai naeuz ndei.

(Vangz Vwnzboh)

●4 nyied 15 hauh, Ningz- mingz Yen Minzcuzgiz youq Dungzmenz Cin Banjan Cunh gawjbanh daih’it geiz nungzminz saedyungh gisuz beizyinbanh, haujlai nungzminz camgya. Doenggvaq beizyin, gyoengq nungzminz neix ndaej daezsang gisuz lo.

(Sinh Gyahbingz)