Lungzanh Yen fwenbaiz Boux- cuengh dwg cungj vwnzva ndawbiengz Bouxcuengh gig daegbied de, gaenq ndaej lied haeuj ndaw swcigih gaep feihvuzciz vwnzva yizcanj mingzloeg lo. Vihliux swnjcienz nem henhoh fwenbaiz Bouxcuengh ndaw yienh neix, daj bineix 3 nyied hwnj, Lungzanh Yen cingj doenghboux canghfwen fwenbaiz Bouxcuengh haeuj ndaw hagdangz cungh siuj yozyau bae, gangj ciengq doxhab, daengz Lungzanh Minzcuz Cunghyoz、Nanzhih Cunghyoz、Siujlinz Siujyoz daengj, son gyoengq cungh siuj hagseng rox gij lizsij nem gizdiu Fwenbaiz Bouxcuengh. Gij hozdung neix hawj gyoengq cungh siuj hagseng dingq canghfwen gangj liux, couh roxyiuj minzcuz conzdungj vwnzva, hawj gij minzcuz conzdungj vwnzva maenhndei de ndaej swnjcienz nem fazcanj laeb hwnj giekdaej ndei.

(Naij Sangfanz)