Haeuxyangz: Hamz gai、sih、lonjlinzcij、veizswnghsu E daengj gig lai, ndaej gyangqdaemq hezcingh danjgucunz.

Haijdai: Hamz niuzvangzsonh gig lai, ndaej gyangqdaemq danj- gucunz ndaw lwed caeuq danjgucunz ndaw raemxmbei; gij nyinzsei hwz- causonh ndaej gamhanh supsou danjgucunz, caemh ndaej baiz danj- gucunz okdaeuj.

Gyaeujsuenq: Hamz miz gij liuzvavuz gyoebgyonj haenx, ndaej gemjsiuj danjgucunz ndaw lwed, laengzdangj lwed saek, ndaej bang demgya gauhmizdu cijdanbwz hamz- liengh.

Lwgmaenz: Ndaej cunghab gij soemj ndaw ndang aenvih gwn noh caeuq gwn gyaeq daiq lai haenx, baujciz ndang vunz soemjndaengq doxdaengh. Ndaw lwgmaenz hamz miz nyinzsei doxgaiq haemq lai, ndaej supsou gij suijfwn ndaw dungxsaej caeuq nyinh conghsaej doeng haex, caemh ndaej dawz gij lauz、dangz、huqdoeg baiz ok rog ndang daeuj, hwnj daengz baiz lauz cozyung.

Makbingzgoj:Ndaw makbingz- goj hamz gyaz lai, ndaej baiz gij huq doyawz okdaeuj, hawj hezyaz baujciz cingqciengz. Aenvih de hamz miz gojgyauh、cenhveizsu caeuq veiz- swnghsu C, baiz lauz yaugoj gig ndei. Ngoenznaengz gwn song aen makbingzgoj, genhciz gwn ndwen ndeu, doiq sailwed simdaeuz daih miz ndeicawq.

Lauxbaeg nding: Hamz miz gojgyauhsonhgai gig lai, caeuq gij soemj raemxmbei hwnj vayoz fanj- ying le daj ndaw haex baiz okdaeuj, ndaej coi danjgucunz ndaw lwed doekdaemq.

Ngveih makgingq: Boux danj- gucunz cingqciengz roxnaeuz danj- gucunz loq sang haenx, lai gwn ngveih makgingq couh ndaej dab- daengz gyangqdaemq danjgucunz ndaw lwed muzdiz, caemhcaiq bauj- ciz aen simdaeuz gengangh.

Cijvaiz: Hamz miz gai doxgaiq haemq lai, ndaej hanhhaed danj- gucunz ndaw ndang habbaenz meiz, hix ndaej gemjsiuj ndang vunz supsou danjgucunz.

Makgam: Hamz miz veiz- swnghsu C gig lai, lai gwn ndaej daezsang aen’daep gaij doeg naengz- lig, gyavaiq cienjvaq danjgucunz, gyangqdaemq hezcij.

Caz: Hamz miz gahfeihyinh caeuq cazdohfwnh, ndaej leih nyouh gyangq lauz, ciengz gwn caz ndaej laengzdangj danjgucunz ndaw ndang swng sang.