Seizcin dwg seiz aen daep huj hoengh, wng siuj gwn gijgwn soemj, mboujnex rox hawj huj daep engq hoengh le sieng daengz aendungx. Ndaej lai gwn di gijgwn lajneix:

1、Maenzcienz: Maenzcienz ndaej cangq dungx bouj dungx、bouj ndang haw.

2、Rangzcin: Cawz hamz dan- bwzciz lai le, lij hamz miz gvangvuzciz gig lai, lumj gai、linz、diet caeuq lai cungj veizswnghsu daengj.

3、Nyod duhlanhdouq: Doiq boux hezyaz sang caeuq boux baenz binghnyouhdangz daeuj gangj, ceiq hab nap aeu raemx de gwn.

4、Byaekgep: Raeuj ndaw hengz heiq, raeuj mak raeuj yiengz. Doiq boux hwet naet gyaeujhoq unq、boux baenz yangzveij、boux baenz laeuh cing miz haemq ndei goengyauq.

5、Mbaw gocin: Ndaej cing fung、gej doeg、cangq dungx leix heiq. Aeu nyod oiq de ma guh liengzban daeuhfouh、cauj gyaeqgaeq gwn, feih rangfwd.

Gijwnq lumj duhbap、byaek- bohcai、byaekreuz、byaekrang、mak- daihcauj、dangzrwi、duh、gij huq aeu cij daeuj guh、gyaeqbit gyaeqgaeq、lwgmak daengj hix hab seizcin gwn.