Youq gih raeuz seiz gvidingh ciet“sam nyied sam”cuengqgyaj de, Sanhgyangh Dungcuz Swciyen roengz- rengz baijok gij doenghyiengh Dungcuz gag miz youh ndeiyawj de, baijyienj feihvuzciz vwnzva yizcanj, neix sawj gak aen gingjgih “mbouj dieg coq ci, mbouj ranzhek ninz”, lijyouz gig hoengh. 4 nyied 3 hauh banhaemh, gicej daj aen yienh neix lijyouzgiz ndaej siusik, 4 nyied 2 hauh daengz 3 hauh, aen yienh neix gungh ciep hekyouz 16.8 fanh vunzbaez, saedyienh lijyouz souhaeuj gungh 7560 fanh maenz, doengzbeij demlai 125% nem 136%. Ndawde hekrog 4500 vunzbaez, ndaej cienzvaivei 67.5 fanh Meijyenz. Cietgingq lijyouz aeundaej yaugoj yienhda. Ndaw yienh neix bouxswnj- cienz feihyiz heuhguh Vuz Gijhangz naeuz：“Sam nyied sam cuengqgyaj geij ngoenz doxriengz ne gig ndei, hawj gak minzcuz ndaej baijok daegsaek minz- cuz, doiq hungzyangz minzcuz vwnzva maenhndei、gyagiengz doxgyau nem doxgiet、doihaeuj lijyouz fazcanj cozyung gig hung!”(Gungh Bujgangh)