●4 nyied 2 hauh banhaet, Yungzanh Yen Dacieng Cin Baujanh Cunh Mbanjdadon Myauz- cuz gawjbanh minzcuz vwnzva hozdung. Yienh、cin、cunh gak gaep l ingjdauj nem 500 lai boux Myauzcuz、Bouxcuengh、Dungcuz dox- comz giz ndeu, ciengq go diuq foux, angq hoh“sam nyied sam”.

(Yangz Yenjbungz)

●4 nyied 2 hauh, Vuzcouh Si gak dieg gaihcanj buek hozdung ndeu angq gvaq “sam nyied sam”, baijok gij vwnzva ndei saujsu minzcuz. Neix hawj vunzlai angqvauvau dwk gvaq ciet.

(Banz Cincinh)

●4 nyied 2 hauh, Libuj Yen youq ndaw yienh Dadangz Cin Vujdwngh Cunh (cunh Bouxcuengh) gawjbanh“cietfwen sam nyied sam”, miz 2000 lai boux daj ndaw yienh rog yienh daeuj de ndaej yawj baez byaujyenj neix.

(Couh Cinyenj Huz Gvanghyau)

●4 nyied 2 hauh, dwg ngoenzciet“sam nyied sam”, Cauhbingz Yen cungfaen leihyungh ngoenzciet vunzlai doxcomz aen gihvei neix, cizgiz senhconz minzcuz cwngcwz. Ngoenzde, youq ndaw yienh Vangzyauz Cin Fungliz Cunh (cunh Bouxcuengh) yienjok yienhciengz couh fat 500 lai faenh swhliu.

(Vangz Gozlenz)

●4 nyied 2 hauh, dwg ngoenzciet“sam nyied sam”, Ginhcouh Si Gangjnanz Gih Minzcuzgiz youq ndaw gih neix Dunznanz Cunh banh eu fwen yenjcangvei, ndaw gih neix 43 boux canghfwen comz daeuj byaujyenj, yinx 500 lai vunz daeuj yawj.

(Cinz Sezdanh)