Baujhoh daep mbei ceiq youqgaenj. Seizcin heiq daep hoengh rox hawj bingh daep mbei bienq ndaej engq youqgaenj. Aeu baujhoh ndei daep mbei, sien aeu baujciz singqcingz doengswnh onjdingh, gaej luenh fatheiq fathuj. Lai bae giz miz bya miz raemx youzbyaij, doengzseiz siuj gwn gijgwn youzcaq、feiz ring daengj mbouj yungzheih siuvaq haenx. Ngoenznaengz ceiq ndei gwn di makgenq ndeu, habdangq gwn di cazgaeujgij、cazvagut daeuj ciengx daep raeh da.

Habdangq gwn duhngaz. Duhngaz dwg cawqyouq mbouj- duenh sengmaj gocwngz ndawde, ndawde hamz miz veizswnghsu、gvangvuzciz、anhgihsonh daengj yingzyangj doxgaiq ceiq singj- sien ceiq vuedbuet. Linghvaih, gwn byaekohswnj、byaekbohcai、byaek- gep daengj byaekheu mbaw loeg caeuq makdumh、makvengj hix doiq ndang vunz gengangh miz ik.

Hab guh iet gen iet hwet yindung. Seizdoeng mbwn nit, daengx ndang vunzraeuz lumj- naeuz deng hoetsuk nei, ndigah seizcin ceiq hab guh iet gen iet hwet hozdung. Saucoz ceiq ndei guh yizgyah yindung, sauhung cix lienh heiqgoeng caeuq lienh guh daigizgenz.

Boujcung veizswnghsu B cuz. Seizcin aen’uk bouxvunz haemq fatangq, veizswnghsu B cuz ndaej hawj sinzgingh hidungj caemcingx, caemh ndaej bangcoh demgiengz naengzliengh sibauh, lij ndaej fuengz seizcin duznyungz daeuj ding dem.