It、Gag Yw Yaudenj

1、Din aeu seuqsak, baujciz naengnoh hawqsauj, moix ngoenz swiq din geij baez, gaenx vuenh haizmad.

2、Bingzseiz gaej daenj haiz- yindung、haizlijyouz, mienxndaej ok hanh lai mbouj doeng rumz yinx baenz din haeu.

3、Cizgiz siucawz gij yinhsu yaeuhfat baenz din haeu bae, lumj din ok hanh、din hwnj gyak daengj.

4、Gaej gwn lwgmanh、 hing、coeng、suenq ndip.

5、Bingzseiz aeu baujciz caem- cingx, gikdoengh yungzheih ok hanh lai caemhcaiq din engq haeu.

Ngeih、Gag Yw Fuengfap

1、Cuengq din roengz 50 daengz 60 doh raemxndat bae cimq geij baez, moix baez 15 faen cung, moix ngoenz 1 daengz 2 baez.

2、Ndaej youq ndaw raemx dwk 10 daengz 15 hauzswngh meiqhaeux roengzbae heuz yinz, doeklaeng cuengq din roengzbae cimq 15 faen cung baedauq, ngoenz baez, lienz cimq 3 daengz 5 ngoenz. Din haeu gag siu bae.

3、Ndaej dwk 50 gwz begfanz roengz raemx bae le cuengq din roengzbae cimq 10 faen cung hwnjroengz, din haeu couh siu bae.