Moix 100 gwz daepmou hamz miz 368 hauzgwz danjgucunz, danghnaeuz gwn 100 gwz daepmou, danjgucunz couh gaenq mauhgvaq Cungguek Yingzyangjyoz doigawj hawj vunzraeuz moix ngoenz 300 hauzgwz aen byauhcunj neix, caiq gyahwnj gwn gij doxgaiq wnq lij hamz miz danjgucunz dem, ndaw ndang rom danjgucunz couh gvaqmauh lo. Hoeng, ginggvaq gohyoz yenzgiu cwngmingz, cijaeu habliengh gwn daepmou, mboujdanh danjgucunz mbouj swng sang, dauqfanj ndaej boujcung venz- swnghsu A cukgaeuq dem. Daih’it, haeujsim gwn daepmou doengzseiz, caenhliengh mbouj gwn gij doxgaiq hamz miz baujhoz cihfangzsonh lai haenx, lumj nohbiz、lauz doihduz、naijyouz、vangzyouz daengj, mienx deng supsou danjgucunz daiq lai.

Daihngeih, danghnaeuz lau supsou danjgucunz daiq lai, ndaej youq mwh gwn daepmou seiz, gwn di duhhenj he roxnaeuz gij doxgaiq aeu duh daeuj guh haenx dem, yienghneix ndaej gemjsiuj supsou danjgucunz haeuj ndang.

Daihsam, naengh moix singhgiz gwn song baez daepmou, moix baez 100 gwz, couh ndaej muenxcuk aenndang supsou veizswnghsu A sihyau. Doengzseiz, hix mbouj rox cauhbaenz dangngoenz sup haeuj danjgucunz daiq lai. Naengh moix singhgiz gwn 3 daengz 4 baez daepmou, moix baez 50 gwz, hix ndaej muenxcuk aenndang doiq veizswnghsu A sihyau, hix nanz ndaej hawj danjgucunz swng sang.