1、Noix gwn youzlauz doihduz. Lumj lauzmou、lauzvaiz、baijyouz caeuq gijgwn hamz danjgucunz lai haenx, lumj gyaeqhenj、byalwg、dungxsaej doihduz、nohbiz daengj. Aenvih gij huq neix hamz miz baujhozcihfangzsonh, ndaej hawj danjgucunz ndaw lwed bienq gwd, coi baenz doenghmeg giet ndongj; ndaej gwn di youzdoenghgo he, lumj youzduh、youzcaz、youzlwgraz、youzduhdoem daengj.

2、Ciengz gwn di gyaeqhau、nohcing、bya caeuq gak cungj gijgwn aeu duh guh haenx. Itbuen ngoenz gwn cijvaiz caeuq cijvaizsoemj gak boi ndeu, aenvih cijvaiz ndaej gamhanh danjgucunz ndaw ndang habbaenz, gyangqdaemq hezcij caeuq danjgucunz hamzliengh.

3、Lai gwn byaekheu caeuq lwgmak. Ciengz gwn gij byaekheu caeuq lwgmak hamz veizswnghsu C caeuq gyaz、meij daengj, daeuj gemjmbaeu caeuq doiceiz doenghmeg giet ndongj.

4、Lai gwn gijgwn hamz denj lai haenx. Lumj haijdai、byaekaeuj、nyauh daengj, denj ndaej gemjsiuj danjgucunz yaemz youq bangx doenghmeg, fuengz baenz doenghmeg giet ndongj.