3 nyied 18 hauh daengz 27 hauh, Sanhgyangh Dungcuz Swciyen 2014 nienz daih’it geiz Sawdungvwnz nem Godungcuz beizyinbanh youq ndaw yienh Liengzgouj Yangh cwngfuj veiyisiz gawjbanh, aen yangh neix gyawj 100 boux “hagseng geq”camgya beizyin.

Vih fuengbienh vunzlai guh hong ndaemcin, aen yienh neix minzyijveij anbaiz youq banhaemh beizyin, moix haemh song dangz, dangz ndeu son Sawdungvwnz, dangz ndeu son Godungcuz. Beizyin hingzsik lai cungj lai yiengh, aeu hwzbanj son nem aeu sibinz、dohmeizdij daengj doxhab hwnjdaeuj, doengzseiz gag ok sawson, daj doenghgij saeh bingzciengz de gangj hwnj, daj goek daengz byai cungj aeu Vahdungcuz sonhag, neix hawj gyoengq hagseng neix gamj- daengz gig mizyinx, cungj lai gyaez hag, moix baez hwnjdangz ndaw gyausiz vunz cungj rimmaet bae.

Gaenh bi daeuj, aen yienh neix minzyijveij haenqrengz guh hong sonhag nem sawjyungh Sawdungvwnz nem Godungcuz, doenggvaq lai cungj hingzsik roengzrengz swnjcienz nem henhoh vwnzva maenhndei Dungcuz. Bi’gvaq, aen yienh neix gungh guh sat hong beizyin doenghboux bien loeg sawson nem deb Sawdungvwnz de 740 vunzbaez, gawjbanh Saw- dungvwnz nem Godungcuz beiz- yinbanh 9 geiz, beizyin 700 lai vunzbaez, bien nem okbanj《Bonj Dungvwnz》2 geiz, guh sat hong fanhoiz bienguh nem book sinhvwnz Vahdungcuz、denyingj Vahdungcuz 100 lai geiz(ciengz), doengzseiz cugmbaek guh hong soucomz nem cingjleix sawgaeuq saujsu minzcuz, ciengjgouq vwnzyoz bakriuz maenh- ndei ndawbiengz minzcuz, caemhcaiq soucomz nem cingjleix ndei fwen、Goyeh 1100 lai souj.

(Gungh Bujgangh Ouh Ci)