Gaenh bi daeuj, Majsanh Yen roengzrengz doihaeuj daegsaek yienhsingz gensez, comzrengz dajcaux aen singz miz saujsu minzcuz daegsaek. Bineix cungdenj guh geiz gunghcwngz daih’it. Geiz gungh- cwngz neix daihgaiq raez 1070 mij, gvendaengz gij aenranz danhvei 206 aen, laebmienh gaijguh cungjmenciz daihgaiq 1.8 fanh bingzfanghmij, giva roengzngaenz 700 fanh maenz.

Aen yienh neix yienghsiengq gaijguh gunghcwngz ciuq aen yenzcwz“yienghsiengq gyaeundei、 yienh’ok minzcuz daegsaek”, youq gaijguh seizde, gya cang gij doenghyiengh miz daegsaek Bouxcuengh.

Majsanh Yen yienghsiengq ndawsingz lajmbanj gaij miz daegsaek gunghcwngz yaek youq 2018 nienz guh sat, daengzseiz, gij singz nem mbanj miz daegsaek Bouxcuengh、Yauzcuz de guhbaenz le, dangdieg lijyouzyez couh fazcanj engq ndei, vunz dangdieg souhaeuj engq lai.

(Veiz Yenzfuz)