●3 nyied 30 hauh, Sangswh Yen banh“feihyiz”eu fwen doxdax hozdung, daengx yienh gak yanghcin、segih baij canghfwen daeuj ndaw yienhsingz Gyanggai Gunghyenz, doxdax eu fwen, angqcoux“sam nyied sam”. Neix yinx baenz cien vunz daeuj yawj.

(Liengz Fuyingz)

●3 nyied 27 hauh, Cingsih Yen youq ndaw yienhsingz banh“sam nyied sam”ciet Boux- cuengh hozdung. Baez hozdung neix miz bau aendomq、fat swhliux、vwnzyi yienjok、eufwen haidaiz、comz eu fwen、doxduenz eu fwen、doxdax eu fwen daengj 7 hangh hozdung. Neix yinx 2 fanh lai vunz daeuj yawj.

(Maj Lanzyingh)

●3 nyied 19 hauh (liggaeuq ngeih nyied cibgouj), 2014 nienz“cietbauqva Byagim”youq Cungzcoj Si Gyanghcouh Gih Cojgyangh Cin gawjbanh. Ngoenzde, vwnzyi yienjok, minzcuz conzdungj dijyuz yindung byaujyenj, eu fwen doxdax, fouxgvangjcangz yienjok nem ciengj bauqva doxdax daengj hozdung gig ndeiyawj, gungh yinx le baenz fanh vunz camgya.

(Dauz Gozyangz)

●Daj 2 nyied 24 hauh daeuj, Cunghgoz Fuzbinz Gih- ginhvei gietdingh gien 71.4384 fanh maenz yungh daeuj guh“gya byaekngaiz”hanghmoeg, youq Bingzgoj Yen 10 aen siujyoz dieg gyae saedhengz, guh daengz 2014 nienz sujgyaj, hawj 2706 hagseng saujsu minzcuz souh’ik.

(Vuz Anhginh)