Bi’gvaq Sihlinz Yen gyarengz gaijbienq nungzyez canjyez gezgou, cizgiz dazyinx Nazcoz daengj sam aen minzcuz yangh doenghboux vunz diegbya dajndaem gij ien ginghci yauyiz sang de, caemhcaiq gyagiengz cosih、gyarengz bangfuz, ndoj gvaq duenh baihnaj miz lwgbag、raemx dumh nem duenh baihlaeng mbwn ndat fwn lai, gij menciz ndaem ien、canjlieng mbawien demlai raeuh bae.

Ciuq gyoepsuenq, bi’gvaq Sihlinz Yen sam aen minzcuzyangh 8 aen cunh 20 aen mbanj 145 ranz ndaem ien ciem hozdungz ndaem、sou, gyoepsuenq dajndaem 4000 moux, beij 2012 nienz 2500 moux gyalai 60%. Daj 9 nyied sou mbawien, 12 nyied sou sat, ginggvaq song ndwen lai sou ndaej ienmbaw 9016 rap, gai ndaej 931.5 fanh maenz, ndaej gyausui 204.93 fanh maenz. Caeuq 2012 nienz doxbeij, bi’gvaq mbawien gij soq soundaej、gai ndaej、gyausui faenbied demlai 57.24%、 66.85%、66.88%, doenghboux dajndaem ien de moix ranz souhaeuj 6.42 fanh maenz (caengz suenq gak cungj cienz bangbouj). Neix le gaujien canjyez couh baenz Sihlinz minzcuzyangh doenghgij daegsaek nungzyez swngh- canj nem coi nungzminz demsou ndawde diemj rongh moq ndeu.

(Cinz Civaz)