●Ciuq gyoepsuenq, dangqnaj Lingzyinz Yen gungh miz suen gosangh 7 fanh lai maenz, 2013 nienz aen yienh neix ciengx nonsei 4.5 fanh mbaw, doengzbeij demlai 34%; ndaej reh moq 3.6 fanh rap, doengzbeij demlai 38%; canjciz 6840 fanh maenz, doengzbeij demlai 39%. Hoh ciengx nonsei bingzyaenz souhaeuj 15359 maenz, moix boux souhaeuj 3168 maenz. Ciengx nonsei hawj daengx yienh nungzminz moix boux ndaej cinghsouhaeuj 502 maenz.

(Vangz Yenzyungz)

●Bi’gvaq Dasinh Yen cizgiz gaihcanj hong boujdiep doenghboux vunzmbanj youq henzguek 3 goengleix dox- dauq, fat cienzngaenz bang- bouj swnghhoz 1055.0304 fanh maenz hawj gyoengq- de.

(Fouz Coh)

●Bineix haggeiz moq, Liujcouh Si doenghgij yozyau hawj hagseng mienxfeiq gwn ringz de gaenq miz 1061 aen lo, moix bi roengz 8672.37 fanh maenz yungh daeuj guh gij cienzngaenz hawj lajmbanj yivu gyauyuz yozyau hagseng mienxfeiq gwn ringz.

(Danz Gaijhingh)

●Gvaq cieng geizgan, Yungzsuij Myauzcuz Swciyen leihyungh seiz saujsu minzcuz baebo, daengz Cibsambo、Gujlungzboh daengj gizdieg Myauzcuz guh baebo de hai goqdangz. Cien lai boux dangjyenz ganbu doenggvaq vwnzyi byaujyenj、 eu fwen、fat swhliu、dangciengz gangjvah daengj hingzsik, dawz gij cwngcwz hawj vunzlai souh’ik、 gisuz saed- yungh、cihsiz henhoh gienz- leih daengj soengq daengz bakdou ranz ginzcung. Dangqnaj gungh hai goqdangz 20 lai ciengzbaez, 10 lai fanh vunzbaez souh’ik.

(Lungz Linzci)