1、Byaekaeuj: Byaekaeuj cawz hamz miz veizdahming A、B1、B2 lai le, lij miz cenhveizsu caeuq gvangvuzciz dem, gij doxgaiq neix ndaej bang raeuz baiz huqfeiq caeuq suijfwn ndaw ndang okdaeuj, ndaej hawj ga byom.

2、Lwgraz: Ndaw lwgraz hamz miz yamazyinzyouzsonh, ndaej siucawz gij danjgucunz nem youq ndaw sailwed haenx, coi sup haeuj baiz ok ndei bae, yienghneix couh ndaej gemjbiz lo.

3、Byaekginzcai: It fueng- mienh hamz miz daihliengh gai doxgaiq, lingh fuengmienh youh hamz miz gyaz lai , ndaej gemjsiuj suijfwn rom youq duenh ndang baihlaj.

4、Lwglimz: Lwglimz hamz miz sizsonh, ndaej coi saejlaux noddoengh, coi ok nyouh, hawj vunz noix baenz haexgaz, ndaej cingcawz lauz ndaw ndang baiz okdaeuj.

5、Moeggva: Hamz miz danbwz fwnhgaijmeiz doxgaiq, ndaej siu lauz ndaw ndang; ndaw noh moeggva hamz miz gojgyauh, ndaej gemjsiuj huqfeiq rom youq ndaw dungx.

6、Makbug: Hamz gyaz gig lai, ndaej sied lauz youh ndaej gemjsiuj suijfwn rom youq ndaw ndang.

7、Makyungz: Ndaej leih nyouh, siu ga naetnaiq, gemjsiuj foegraemx, gwn ndip yaugoj engq ndei.

8、Byaekbohcai: Ndaej coi lwed lae baedauq, hawj song ga lai supsou yangjfwn, sup haeuj baiz ok ndaej doxdaengh, baiz doeg byom ga.

9、Gyaeq: Veizdahming B2 ndaw gyaeq ndaej siu lauz, gij yenhsonh caeuq veizdahming B1 ndaej siu gij nohbiz duenh ndang baihlaj.

10、Duhdoem: Hamz miz veizdahming B2 caeuq yenhsonh gig lai, dan maj noh mbouj maj lauz, ndaej gemjbiz.

11、Gyoijhom: Hamz gajluzlu gig lai, hamz lauz noix, hamz gyaz hix lai, ndaej gemjbiz.

12、Biekmungz: Mbouj hamz youzlauz youh ndei gwn, gij cizvuz cenhveiz de ndaej hawj linzbah doengswnh, fuengz ga foeggawh.