It geih ninz gvaiz. Ninz nanz sieng heiq, danghnaeuz ninz daiq gvaiz, fouz bingh hix ninz ok bingh daeuj, aeu ninz caeux hwnq romh, gawq baujcwng ninz ndei, youh aeu fuengz ninz daiq gvaiz.

Ngeih geih gik hozdung. Riengzdwk aenmbwn bienq raeuj, bouxlaux wngdang ciengzseiz ok rog bae hozdung, sup aeu hoengheiq singjsien, lai dak ndit, hawj aenndang lai dingj ndaej bingh.

Sam geih daenj buh mbouj ngamj. Seizcin mbwn raeuj lij loq nit, yaep nit yaep ndat. Bouxlaux gaej duet buhmienz daiq caeux, wnggai habdangq “gop” duenh seizgan ndeu, hawj aenndang gak giz cungj hab’wngq liux cij duet.

Seiq geih gwn gijgwn ndipgyoet. Aeu haeujsim gwnndoet diuzleix, lai gwn gijgwn sawcit gawq miz yingzyangj lai youh yungzheih siuvaq ndeu, gaej gwn roxnaeuz siuj gwn gijgwn ndipgyoet, mienxndaej gig dungxsaej yinxfat baenzbingh.

Haj geih haeujok giz vunz lai comzyouq. Bouxlaux rengz dingj bingh haemq ca, yungzheih ganjyenj baenzbingh. Ndigah, gaej bae haeujok sanghden、denyingjyen daengj gunghgung cangzsoj. Ngoenznaengz aeu raemxgyu cit riengx bak roxnaeuz gwn geij dip gyaeujsuenq, yienghneix ndaej yawhfuengz baenzbingh.