Miz cungj doxgaiq ndeu hoengzfwdfwd raemxywdywd, gwn haeuj bak diemzsubsub. Mwngz rox neix dwg gijmaz lwi? Mbouj loek, couh dwg gvehoengz.

Gvehoengz dwg cungj mak mizmingz ndeu, de singjsien raemx lai, ndaej gaij hozhawq. Seizhah, gyoengqvunz cungj gyaez cawx gvehoengz daeuj gwn, aenvih gvehoengz ndaej fuengz fatsa.

Danghnaeuz dawz gvehoengz caq baenz raemxmak engq ndei. Dawz gvehoengz buq baenz song mbiengj, yungh sieg dawz nohmak daek okdaeuj, cuengq haeuj ndaw gihcaqmak bae baez caq, cenj raemx gvehoengz couh guh baenz lo. Dawz raemx gvehoengz cuengq haeuj binghsiengh bae gyoet, feihdauh engq ndei.

Gvehoengz yienznaeuz ndeigwn, hoeng gyoengq baengzyoux iq gaej gwn daiq lai, mboujnex ngaiz dungxin bw.（指导老师：潘文清）