Ngeih nyied ngeihcib roek hauh, Cuengh Gun song saw vah sonhag sawqniemh hagdangz Vujmingz Yen Senhhuz Cin Cunghgyauz Siujyoz guh haihag denjlij, lij guh hag《Diswjgveih》daudwz gyauyuz hozdung gijdung yizsi dem. Ngoenzhaenx, gyoengq lauxsae caeuq doengzhag caez daengz gwnz cauhcangz swng geiz, yienzhaeuh Suh yaucangj hwnj daiz bae gangjvah, de naeuz hawj gyoengq hagseng mboujdan aeu hag ndei cihsiz, engq aeu laebbaenz sibgvenq ndei, guh boux roxsoq roxlaex, simndei simndat ndeu. Youq gwnz yizsi, it daengz roek nienzgaep hagseng daibyauj、daengx gyoengq lauxsae doxriengz hwnj daiz bae doeg 《Diswjgveih》 mbangj goq he. Gyoengq lauxsae hagseng doeg Diswjgveih, ndaej rox youq ranz、ok rog、caeuq vunz doxgyau、 gouz hag seiz gij laexsoq caeuq gij hamhhaed haenx, ndaej son hagseng guh boux simsoh akmaenh.

Youq gwnz haihag denjlij doxcaemh guh 《Diswhgveih》 daudwz gyauyuz hozdung gijdung yizsi, dwg aen hagdangz neix haggeiz moq dangz goq daih’it, miz yiyi daegbied.

(Vujmingz Yen Senhhuz Cin Cunghgyauz Siujyoz)