Liggaeuq sam nyied cosam dwg ngoenzciet Bouxcuengh bonjmiz de. Vihliux hawj ndaw gih gij vwnzyi saujsu minzcuz ndawbiengz ndaej yienj ndei, hawj vunzlai angqvauvau dwk gvaq ndei ciet“sam nyied sam”, Gveigangj Si Gangjbwz Gih Minzveij giethab dangqnaj gaihcanj dangj raeuz ginzcung lusen gyauyuz sizsenj hozdung, cujciz minzveij lingjdauj ganbu, cingj lauxhangz vwnzyi、lauxsae、giswh, haeuj daengz doenghgij vwnzyidonz ndaw yanghcin、cunh mbanj、segih daengj bae sonyinx baenzlawz engq ndei yienjok vwnzyi minzcuz ndawbiengz, hawj gofoux Bouxcuengh、Fwencuengh、Heiq- cuengh daengj vwnzyi ndawbiengz ndaej riuz nanz, mingz riuz bae gyae.

Dangqnaj, aen veij neix gungh cujciz 33 vunzbaez, haeuj 6 aen yanghcin、43 aen cunh mbanj、3 aen segih bae sonyinx vunzlai yienj lienh vwnzyi. Neix hawj ndaw gih neix vunz saujsu minzcuz cauxguh aen fwnveiz minzcuz doxgiet、sevei onjdingh、huzndei doxgyaez, sim’angq bwh gvaq“sam nyied sam”.

(Cinz Yingz Veiz Sauboh)