●3 nyied 14 hauh, bouxndaemcaz youq Cauhbingz Yen gwnz Byadanaujsanh ndaw suencaz mbaet buek caz seizcin daih’it. Dangqnaj aen yienh neix 16 fanh lai moux caz gaenq ndaej mbaet lo, moix ngoenz daihgaiq miz fanh lai bouxndaemcaz mbaet caz seizcin.

(Lij Liengzyen Giuh Haij)

●3 nyied 14 hauh, Yinh- cwngz Yen gunghsangh、cizgenh、siuhfeicej hezvei daengj bumwnz lienzhab guh“2014 nienz‘3·15’gozci ngoenz henhoh gienzleih bouxsiuhfei camdap fuzvu hozdung”, yienhciengz hawj vunzlai gangj siuhfei cihsiz, fat《Aen Fap Henhoh Gienzleih Bouxsiuhfei》moq daengj swhliu.

(Lanz Lungz Fan Saugvangh)

●Bi’gvaq, Dasinh Yen Wnhcwngz Yangh gungh youq《Gvangjsih Yizbau》、《Gvangjsih Minzcuz Bau》、《Yinzminz Vangj》daengj gij meizdij si gaep doxhwnj de fat gaujgen 31 bien, youq《Ngoenzneix Dahsinh》、《Dasinh Cwngfuj Vangj》、《Dasinh Dendaiz》daengj bo sinhvwnz gaujgen 85 bien. Neix hawj aen yangh neix lai miz mingz nem demlai yingjyangjliz.

(Hij Cuilanz)

●3 nyied 12 hauh dwg ngoenz ndaem faex. Ngoenzde, Gvangjsih gihciz gihgvanh 1000 lai boux ganbu cizgungh daengz Nanzningz Si Cinghsiusanh camgya demlai yivu ndaem faex.

(Yi Sienghcenz)

●Geij ngoenz neix, Lungz- swng Gak Cuz Swciyen Vwnz- vagiz daengz Mbanjvangzloz Yauzcuz guh vwnzva haeuj fanh ranz sawj ranzsaw nungzgyah hawj vunzlai souh’ik hozdung, soengq cihsiz hawj beixnuengx Yauzcuz. Dangqnaj, aen yienh neix gungh miz 125 aen ranzsaw nungzgyah, hawj daengx yienh 10 lai fanh vunzmbanj souh’ik.

(Veiz Gizyangz Mungz Yinzlungz)