“Bi’gvaq, ranz gou 7 moux naz gungh ndaej gak cungj boujdiep gyawj 2000 maenz, seizneix lij coq youq ndaw cunzcez, youq ranz ndaem naz lij ndaej cienz, guekgya cwngcwz caen ndei.”Geij ngoenz gonq, gangj daengz nungzyez bouj- diep, Denhdwngj Yen Denhdwngj Cin Hungzlingj Cunh Lij Liengzminj naj hai da riu lo.

Bi’gvaq, Denhdwngj Yen mboujduenh gyarengz roengzcienz bangfuz nungzyez, nyinhcaen hengzguh gak hangh youhvei cwngcwz, cungfaen diuhdoengh nungzminz ndaemhaeux cizgizsing, bauj haeuxgwn swnghcanj ndaej onjdingh fazcanj. Bi’gvaq, aen yienh neix gungh fat gij cienzngaenz boujdiep ndaem gak cungj haeux de 3507.06 fanh maenz, ndawde fat cienzngaenz boujdiep doenghyiengh guh nungzyez swnghcanj 3279.4 fanh maenz、cienzngaenz boujdiep dingh sou haeux 18 fanh maenz、ndaem haeux funghyenj gihginh 113.66 fanh maenz、cienzngaenz cigsoh bouj haeux 96 fanh maenz.

(Vangz Lilanz)