●3 nyied 1 hauh, Yungzsuij Myauzcuz Swciyen Dungdouz Yangh Mbanj Dungcuz Bingzcwngz guh nauh ndaemcin hozdung. 300 lai boux beixnuengx Myauzcuz daj yienhsingz、Anhcuiz Yangh Sanhcun Cunh daeuj caeuq vunz mbanj neix guhdoengz、boq venz、diuq fouxvenz daengj minzsuz hozdung, aeu neix daeuj heijguh ndaemcin.

(Lungz Linzci Lungz Dauh)

●2 nyied 27 hauh, Daizvanh Daizbwz Yisuz Dayoz miz 30 lai boux saeseng daengz Bingzgoj Yen Daibingz Cin Yehhih Fwenleux Sifan Gihdi ngonzyawj, caeuq vunzmbanj Bouxcuengh dangdieg doengzcaez dingq minzcuz yinhyoz, doxgyau doxson minzsuz vwnzva.

(Vuz Anhginh)

●2 nyied 28 hauh, Sanh- gyangh Dungcuz Swciyen Yenveij Cujcizbu youq ndaw yienh Danh- couh Cin Gyanghhoz Cunh guh“ra caen lienz sim·doxlienz bangfuz” hawj vunzlai souh’ik hozdung, soengq 2 dun vafeiz、4000 lai go dinfaex samoeg hawj 20 hoh ranzhoj, vunzlai naeuz ndei.

(Vuz Yungjvaz)

●2 nyied 25 hauh, Sihlinz Yen Sihbingz Yangh Bingzsang Cunh cingqsik haigoeng guh roen lo, diuz roensuijniz neix raez 7.47 goengleix, gungh roengzngaenz 300 fanh maenz. Neix couh hawj gij siengjmuengh vunz mbanj neix ndaej saedyienh lo.

(Cinz Hungzsingh)

●2 nyied 28 hauh, youq Yungzsuij Myauzcuz Swciyen Aenvenz Gvangjcangz, aen yienh neix Yinzliz Nem Sevei Baujcang Giz gawjhengz“rumzcin hengz- doengh”, fuzvu hawj vunzlai ra hong、daezhawj sevei baujyenj daengj, ndaw gih rog gih 70 lai aen giyez 6000 lai gangjvei hawj vunzlai genj, gak cuz ginzcung faenfaen daeuj cam hong.

(Gungh Siengzyouj)