Bi’gvaq, Nanzningz Si Minzveij gaemmaenh“song aen doxdoengz”aen cawjdaez hong minzcuz neix, aeu laebguh “daengx guek minzcuz doxgiet cinbu sifan si”guh gihvei, haenqrengz dajcaux aen duivuj guh hong minzcuz suciz sang ndeu.

It dwg banh beizyin“gyalai dungxcaiz”, hawj ganbu lai miz bonjsaeh guh hong. Bi’gvaq 4 nyied, Nanzningz Si Minzveij caeuq Siveij Cujcizbu lienzhab cujciz gak yienh(gih) nem siciz gak danhvei 42 boux gohgiz saujsu minzcuz ganbu camgya ganbu beizyinbanh, yaugoj haemq ndei; 9 nyied, Si Minzveij youq Nanzningz Yozyen banh daengx si minzveij、minzyijveij hidungj minz- cuz gunghcoz yezvu beizyinbanh, doenghboux camgya beizyin baugvat daengx si 12 aen yienh(gih) daengxcungq minzcuz ganbu caeuq si saujsu minzcuz liuzdung yinzyenz fuzvu cungsim doenghboux gunghcoz yinzyenz.

Ngeih dwg roengz gihcwngz“depgyawj vunzlai”, bienq cozfungh. Vih demgiengz aen fuzvu yisiz“hong minzcuz mbouj dwg hong iq” neix, Nanzningz Si Minzveij cujciz ganbu cizgungh roengz mbanj saujsu minzcuz bae, aeu rox gyoengqde naemj maz aeu maz, caeuq gyoengqde guhdoengz, coengh gyoengqde naemjngeix、dingh ndei baenzlawz fazcanj, coi cozfungh youq gihcwngz ndaej gaijbienq. Bi’gvaq, Nanzningz Si Minzveij cujciz gihgvanh ganbu bae Majsanh Yen Lijdangh Yauzcuz Yangh、Gujcai Yauzcuz Yangh, Sanglinz Yen Cinhih Yauzcuz Yangh, Nanzningz Cunghvaz Cungh Segih、Funglingj Bwz Segih daengj dieg guh hong liedcam diuyenz gungh 127 vunzbaez, ciuhai minzcuz gunghcoz codanzvei 18 baez, gaihcanj minzcuz doxndei hozdung 14 baez.

Sam dwg yiemz souj faplwd fazgveih“aeu heiqcingq”, demgiengz ganbu soujfap yisiz. Bi’gvaq, Nanz- ningz Si Minzveij okdaiz《Nanzningz Si Minzveij Guenj Ci Cidu》、《Nanzningz Si Minzveij Gunghvu Ciepdaih Guenjleix Cidu》daengj gveihcangh cidu, guh daengz gveih- cangh guenj vunz, vunz lai ndei yungh; doengzseiz, gihgvanh dangjcuj、gijgenj doenggvaq dinghseiz mbouj dinghseiz heuh gemjcaz、gag caz, guh daengz“sam aen guenj ndei”: Guenj ndei bonjndang, mbouj lau haemzhoj, gaenx guh mbaetyungh, mbouj ndaej sagyungh; guenj ndei ndaw ranz, guenj ndei lwg, daengq ndei caencik baengzyoux mbouj yungh gienzleih bae guh saeh hawj swhgeij souh’ik; guenj ndei doenghboux henz ndang.

(Veiz Yenzfuz)