Seizcin aenvih givwnh bienq- vaq daengj yinhsu, ndang vunz rox gamjdaengz naiqnuek mboujmiz rengz, couhdwg bingzseiz raeuz gangj “seizcin naetnaiq”. Danh- seih, danghnaeuz youq ndaw gwn- ndoet bae diuzleix ndei, couh ndaej siucawz “seizcin naetnaiq”, hawj bouxvunz cingsaenz gvaekgvaek.

It dwg ngaizromh aeu gwn ndat.

Ngeih dwg gwnndoet aeu cit. Byaek dwk youz daiq lai daiq nywnx rox hawj vunz gwn haeux sat canjseng naetnaiq, ndigah gwnndoet aeu cit di.

Sam dwg gwn haeuj danbwzciz aeu gaeuq. Daj ndaw nohcing、nohgaeq、nohbya caeuq gij huq aeu cij guh haenx ndawde sup aeu danbwzciz, ndaej hawj bouxvunz lai miz rengz.

Seiq dwg ciengz gwn lwgmak caeuq raemxmak. Ndaw lwgmak hamz gyaz lai, ndaw ndang noix gyaz rox hawj bouxvunz unqnyieg mboujmiz rengz, hix rox yingjyangj cuyiliz cizcungh. Ndaw makit sauj、makgam、gyoijhom、makbingzgoj cungj hamz miz gvangvuzciz gyaz cungj doxgaiq neix.