Aenvih donh ndang baihlaj lwed lae baedauq aeu beij donh ndang baihgwnz yaez, yungzheih deng rumznit ciemq haeuj, ndigah gaej daenj buhvaq haizmad mbang lai, daegbied dwg bouxlaux, gaej daenj buhvaq noix lai, mehmbwk hix gaej daenj vunjdinj caeux lai. Aenvih deng rumznit ciemq haeuj le, yungzheih dwgliengz baenzbingh.

Cin gop naek youq gop donh ndang baihlaj, lij aeu gyagiengz guh lienhndang dem, coi lwed lae baedauq. Ndaej yungh swiq ga hawq daengj banhfap daeuj guh lienhndang. Fuengfap dwg: Song fwngz got dawz cik goekga ndaetndaet bae, daj goekga yungh rengz nunaenx daengz da’baeu, caiq daj da’baeu nunaenx doxdauq daengz goekga. Yungh doengzyiengh fuengfap nunaenx lingh cik ga, dauq- cungz guh 10 daengz 20 baez. Lij ndaej guh fid ga、naenx dungx gahengh、niuj gyaeujhoq、cat angj- din、raeuj din、dieb din daengj fuengfap daeuj hozdung donh ndang baihlaj dem.