Lingzyinz Yen Ginhsanh Youzcaz Gohgi Youjhan Gunghswh dwg aen minzyingz giyez comz guh gohyenz、dajndaem、swnghcanj gyagoeng、gai youzcazbya, aen gunghswh neix mboujduenh haenq- rengz yenzgiu nem damqra baenzlawz senj ung binjcungj、youq gihdi dajndaem、haeujlaeg bae gyagoeng haifat youzcaz、ra hawciengz daengj. Seizneix miz sam diuz swnghcanjsen, faenbied dwg diuz swnghcanjsen dok youz moix bi dok youz 2500 dun de、diuz swnghcanjsen lienh youz ndei moix bi lienh baenz 2300 dun youzcazbya ndei de、diuz swngh- canjsen cang guenq moix bi cang guenq youzcaz 1.2 fanh dun de, bi gai ndaej 6000 fanh maenz. Gij canjbinj daeuz aen gunghswh neix dwg Youzcazbya Gveiginhsanh, gai bae Yizbwnj、Sinhgyahboh、Feihlizbinh daengj guek rog nem ndaw guek Sanghaij、Bwzgingh、Cezgyangh、Daizvanh daengj dieg. Aen gunghswh neix gonqlaeng ndaej nyinhguh Bwzswz Si“nungzyez canjyezva lungzdaeuz giyez”、“fuzbinz lungz- daeuz giyez”nem“daihsam buek swcigih nungzyez liengzcungj beizyuz cungsim caeuq nungzyez byauh- cunjva swnghcanj gisuz sifan gihdi”.

3 bi daeuj, aen gunghswh neix aeu cungj doxgap mozsi“gihdi+nungzhoh+giyez”neix, baenz gveihmoz dwk saedhengz hanghmoeg, hanghmoeg guh daengz bonj yienh nem Yougyangh Gih、Denzlinz、Dunghlanz、Bahmaj、Fungsanh daengj dieg, daiqdoengh 43000 lai nungzhoh baenzfouq.

(Loz Hihhaij)