Bi’gvaq, Dava Yauzcuz Swciyen nyinhcaen saedhengz guekgya minz- veij《Gvendaengz Guh Ndei Hong Guenjleix Vah Saw Saujsu Minzcuz》vwnzgen cingsaenz, aeu lai cungj hingzsik, cizgiz guh ndei hong swnjcienz nem henhoh Vahcuengh、Vahyauz daengj vah saujsu minzcuz.

It dwg banh Cuengh Gun song vah saw sonhag sawqniemh yozyau. Ngeih dwg senj yezvu guzgan camgya daengx gih saujsu minzcuz yijyenz diucaz beizyin, cungsaed ciennieb vunzcaiz duivuj. Sam dwg bued cienzngaenz cienhangh 1.6 fanh maenz, gyoebbaenz diucazcuj, daengz Duhyangz、 Yenzdanh、Luzyej、Yajlungz、Gungconh、Gunghoz daengj yanghcin haeuj mbanj haeuj ranz diucaz sawloih Vahcuengh、sawjyungh cingzgvang、faenbouh daegdiemj daengj, caezcienz swhliu goekdaej. Seiq dwg coi yienh minzcuzgiz gyarengz genjcaz gij cingzgvang gwnz senh- conz byauhyij、fukvang、 baizdanhvei yungh Cuengh、Gun song saw, bauj saw saujsu minzcuz yungh ndaej cinj、cingqging、gveihfan. Haj dwg cizgiz leihyungh vwnzva gvangjcangz guh eu fwen Bouxcuengh、Yauzcuz doxdax, youq guh’angq ndawde hix ndaej swnjcienz vah saujsu minzcuz.

(Vangz Vwnzboh)