●2 yied 18 hauh, “gamjsouh Aumwnz—Gvangjsih·Nanzningz”Aumwnz lijyouz doigvangq hozdung youq Nanzningz Yezvei Gvangj- cangz heijguh. Baez hozdung neix youz Aumwnz Dwzbez Hingzcwng Gih Cwngfuj caeuq Swcigih Yinzminz Cwngfu lienzhab cawj- banh, gungh guh 6 ngoenz.

(Yi Sienghcenz)

●Vih hawj gyoengqvunz lajmbanj angq gvaq cieng moq, youq seiz gvaq cieng, Bingzgoj Yen Daibingz Cin Daibingz Cunh Mbanjneigvah(mbanj Bouxcuengh) gag comz 5 fanh maenz, banh lanzgiuz、fwenleux doxdax, hawj cieng gvaq ndaej nauhyied. Yienghneix guh le, vunz ndaw mbanj rog mbanj cungj haenhndei.

(Vuz Anhginh)

●Ndwencieng gaxgonq, Nanz- danh Yen haigoeng guh diuz roen Lozfu daengz Lozgwngh de, neix couhdwg heijguh bineix lajmbanj gyauhdungh gihcuj sezsih gensez. Bineix, aen yienh neix guj roengzngaenz 1.6 ik maenz, yaek guhbaenz 15 diuz goengloh.

(Veiz Canghyoz)

●Cieng moq geizgan, Dasinh Yen gyoepsuenq ciep hekyouz 9.478 fanh vunzbaez, doengzbeij demlai 66.19％, lijyouz cungj- souhaeuj 3764.46 fanh maenz, doengzbeij demlai 63.75％. Ndawde Dwzdenh Bubu ciep 4.735 fanh vunzbaez; Mingzsw Denzyenz ciep 0.96 fanh vunzbaez; Lungz- gungh Senhging ciep 0.59 fanh vunzbaez; Wnhcwngz ciep 2.985 fanh vunzbaez.

(Liuz Cinghgveiz)

●2 nyied 18 hauh banhaet, Cungzcoj Si hai Vehbyaraiz vwnzva gingjgvanh sinhyiz gunghcoz duih- cinvei, baez hoih neix dingh le ceng daengz 2016 nienz Vehbyaraiz vwnzva gingjgvanh sinhyiz baez ndeu aeu ndaej.

(Lungz Yenyingh)