Bouj gwn youhciz dan- bwzciz: Seizcin givwnh bienqvaq daih, deng nit gig aenndang le danbwzciz faengaij okdaeuj vaiq, rox yinxhwnj aenndang rengz dingj bingh doekdaemq, yungzheih cienzlah roxnaeuz bingh gaeuq fukfat, ndigah aeu bouj gwn gyaeqgaeq、bya、nohgaeq caeuq gij huq aeu duh guh daengj danbwzciz doxgaiq.

Gwn veizswnghsu caeuq vuzgihyenz cukgaeuq: Byaekhau、byaekyouzcai、makyungz、makgam、makcengz daengj hamz veizswnghsu C lai, gwn de ndaej dingj binghdoeg; lauxbaeg nding、byaekroem hamz veizswnghsu A lai, gwn de ndaej baujhoh nemmuek saidiemheiq duenh baihgwnz caeuq gij goeng- naengz bizsibauh diemheiq gi’gvanh; lwgraz、byaekgienj- sim heu、byaekreuz hamz veizswnghsu E lai, gwn de ndaej daezsang menjyiz goengnaengz aenndang, hawj aenndang lai dingj ndaej bingh.

Gwn gijgwn aeu cit: Seizcin heiqdaep ceiq hoengh, heiqdaep hoengh rox yingj- yangj aenmamx, yungzheih baenz dungx haw. Ndigah, seizcin wng senj gwn gijgwn manh、diemz、raeuj, geih gwn gijgwn soemjsaep; noix gwn gijgwn youz nywnx、ndipgyoet caeuq gijgwn gig dungxsaej haenx; boux baenz ganhyenz geih gwn hakgyaeq.