Siengj yawhfuengz ndok soeng ndok byot, couh aeu haeujsim baihlaj geij diemj:

(1) Gamhanh gwnndoet gezgou, gaej gwn huqsoemj daiq lai. Byaekheu caeuq lwgmak dingzlai dwg gijgwn ndaengq, dingzlai noh、haeuxgok、dangz、laeuj、bya nyauh cungj dwg gijgwn soemj, bouxvunz ndang ndei moix ngoenz gwn haeuj huqsoemj caeuq huqndaengq bijli wng gamhanh youq 1 : 4.

(2) Cit ien ndoet laeuj gvaqbouh doiq goetndok suphaeuj caeuq baizok fouzleih, gwn gyu caeuq danbwzciz daiq lai rox hawj aenndang sied gai bae lai.

(3) Yindung ndaej coi aenndang bouxvunz suphaeuj caeuq baizok. Habdangq dak ndit mizleih aenndang supsou gai.

(4) Fuengz aenndang noix gai lij aeu guh baenz sibgvenq ndei, gaej gwn huqsoemj daiq lai.

(5) Gaej gwn gijgwn deng uqlah gvaq haenx, lumj raemx uq、doenghgo uq、gyaeq uq bya uq daengj, lai gwn di gijgwn saekloeg ndeu, fuengz bingh daj bak con haeuj.

(6) Baujciz simcingz ndei, gaej hawj simleix atlig daih lai, habdangq diuzcez simcingz caeuq atlig bonjndang, daj neix daeuj yawhfuengz ndok soeng ndok byot.