Gou doeg siujyoz yaek bizyez seiz, gou doiq daengzcog miz haujlai maqmuengh. Hoeng, couh youq seizhaenx, ndaw yienh miz geij aen cunghyoz, cungj laebdaeb baij lauxsae daengz hagdangz dou roxnaeuz ranz gou, yienq gou bae hagdangz gyoengqde doegsaw.

Gij lauxsae simndei haenx baema buek youh buek, gou mbouj rox baenzlawz guh ndei. Gou heuh bohmeh bang gou dawz cawjeiq, hoeng gyoengqde naeuz gou gaenq majhung lo, bonjfaenh gag dawz cawjeiq. Gou gag dawz cawjeiq? Neix gvanhaeh daengz ngoenzlaeng gou, gou mbouj haeujsim baenz ndaej!

Haemh haenx, gou fan bae foek dauq ninz mbouj ndaek. Dauqngeix daengx duenh siujyoz, gou dwg youq hagdangz Sawcuengh doegsaw. Daj lauxsae son gou doeg “b mb m f v” le, gou couh gig yinx Sawcuengh, baez ndaej hoengq couh doeg, haujlai bien govwnz gou cungj boih ndaej raeuzredred. Daengz ngeih nienzgaep, lauxsae youh son gou aeu Sawcuengh daeuj sij ngoenzgeiq. Yienghneix ngoenz gvaq ngoenz, gou ciemhciemh couh yinx sij cozvwnz, lauxsae hix gyaez youq ndaw ban doeg doengh bien cozvwnz gou, doeklaeng lij gujli gou sij faenzcieng hawj 《Gvangjsih Minzcuz Bau》《Sam Nyied Sam》 cazci. 2008 nienz 10 nyied 15 hauh, dwg ngoenz saedceij gou roxnyinh ceiq angqyangz ceiq miznaj he, bien faenzcieng gou 《Gou Hag rox Guh Hongranz Lo》 youq gwnz 《Gvangjsih Minzcuz Bau》 fazbyauj lo. Daj seizhaenx hwnj, gou hag Sawcuengh engq roengzrengz, cingz Sawcuengh gou engq naekna. Gou mboujdan Sawcuengh hag ndaej ndei, Sawgun hix hag ndaej ndei. Moix aen haggeiz satbyai gaujsi, gij cingzcik gou youq ndaw yienh cungj ndaej baiz youq baihnaj daihcib mingz. Doengh gij cingzcik neix, hawj gou doiq hag Sawcuengh engq miz saenqsim, doiq daengzcog engq miz maqmuengh.

Seizneix, baij youq dangqnaj gou miz baenzlai aen cunghyoz, gou yaek baenzlawz guh ne? Miz mbangj cunghyoz lij ok haujlai diuzgen ndei hawj gou, cienzngaenz fuengmienh lij ndaej gemj mbaeu diuzrap bohmeh gou. Hoeng, danghnaeuz bae aen hagdangz gyoengqde doeg, gij cingzngeih gou caeuq Sawcuengh giet baenz caet bi haenx couh yienghneix vut la? Baengzyoux ndei gou 《Gvangj- sih Minzcuz Bau》《Sam Nyied Sam》couh yienghneix biek la?

Gou siengj, aen minzcuz cungh- yoz mbanjranz gou dwg aen Cuengh Gun hagdangz ndeu, moix bi cungj miz cib geij ngeih cib boux doengzhag gauj hwnj cungdenj gauhcungh, caemh dwg aen hagdangz okmingz ndeu. Caiq gangj, geij bi neix daeuj, gou daengz aen hagdangz neix camgya yenjgyangj、gangj gojgaeq、sij cozvwnz doxdax, caenda yawjraen aen hagdangz neix vanzging gyaeundei, roxnyinh lauxsae doiq doengzhag ndei, hagseng hagsib nyinhcaen roengzrengz. Neix mbouj- dwg aen cunghyoz gou fangzhwnz cungj siengj bae ha? Gou cawjeiq dawzdingh lo.

Seizneix, gou youq minzcuz cunghyoz mbanjranz doegsaw, laeb- daeb san aen maqmuengh Sawcuengh gou. Gou yaek haenqrengz doegsaw, vih bonjfaenh cengnaj, vih bohmeh cengnaj, vih Bouxcuengh cengnaj.

(Vangz Gyauhyen hoiz)

即将小学毕业的我对未来充满着憧憬。可就在那个时候，县里有几所中学都派出老师，陆续来到学校或家里动员我到他们学校就读。

热情的老师走了一批又一批，我有点不知所措。我请爸爸妈妈帮我拿主意，可他们都说我长大了，让我自己做主。让我自己做主？这可关系到我的未来，不可不重视。

那天晚上，我翻来覆去睡不着。回想整个小学阶段，我就读的是壮文学校。自从老师教我读“b mb m f v”，我对壮文就特别感兴趣，一有时间就读，有好几篇课文我都背得滚瓜烂熟。小学二年级，老师开始引导我用壮文写日记。渐渐地，我对写作文也产生了浓厚的兴趣，我写的文章老师喜欢拿来班里做范文，后来还鼓励我向《广西民族报》《三月三》杂志投稿。2008年10月15日，是我感到最高兴、最自豪的日子，我用壮文写的作文《我学会了干家务活》在《广西民族报》发表了。从此，我对学壮文更感兴趣了，也跟壮文结下了深厚的感情。我不但壮文学得好，汉语文也学得不错,每学期期末考试，我都能取得全县前十名的好成绩。这些成绩让我对学习壮文更有信心，对未来更充满希望。

现在，面对这么多的中学，我该如何选择呢？一些中学甚至开出了很多优惠条件，能为我减轻家庭经济负担。可是，如果去他们学校就读，我与壮文结下的七年情谊就这样割舍吗？我的好伙伴《广西民族报》《三月三》就这样离别啦？

我想，家乡的民族中学是壮汉双语教育学校，每年有十几二十个学生考上市重点高中，也是一所有名的学校。这些年来，我到这所学校参加县里举办的演讲、讲故事和作文比赛，亲身感受到该校的校园环境是那样的优美，老师是那样的热情，学生学习是那样的认真，这不正是我梦寐以求的吗？我终于拿定了主意。

如今，我正在家乡的民族中学就读，继续编织着我的壮文梦。我要努力学习，为自己争光，为父母争光，为壮族争光。