1、Lai gwn di gijgwn nyinh yaem、nyinh bwt、bouj raemx seng raemx ndeu. Lumj makleiz、mak- yungz、makgam、makit、mak- daihcauj、lauxbaeg、lwgraz、cehmbu、raetngaenz、dangzrwi、duhnding daengj. Siuj gwn gijgwn manhget, yienghneix ndaej gaijndei goeng- naengz bwtdaep, demgiengz rengz dingj bingh naengzlig.

2、Haeujsim bouj gwn raemx, ngoenznaengz gwn raemx mbouj siuj gvaq 2000 daengz 3000 hauzswngh.

3、Hab gwn gijgwn hamz veizswnghsu A lai haenx, lumj gyaeqbit gyaeqgaeq、daepmou、lwgraz、 duhhenj、 duhdoem daengj.

4、Vih demgya rengz dingj nit, ndaej bouj gwn di yingzyangj ndat ndeu guhcawj, habdangq gwn di gijgwn hamz youzlauz caeuq dangz ndeu, lai gwn gijgwn hamz veizswnghsu lai haenx. Haeujsim gaej gwn bouj gvaqbouh, mboujnex, gwn bouj gvaqbouh dauqfanj haih ndang.

5、Habdangq yungh baujgen sizbinj daeuj daezsang menjyizliz, yawhfuengz baenz dwgliengz caeuq huhgizdau ganjyenj.

6、Gaej gwn haeux ndat byaek ndat dang ndat, gwn raeujremh couh ndaej. Gohyoz fatyienh, ciengzseiz luenhlanh gyan gwn gijgwn ndat yungzheih yinxfat baenz sizdauaiz, dungxsaej hix yungzheih ndaej bingh.