Gohyozgyah daezok, siengj hawj lwgnyez uk lai lingz, ndaej doenggvaq gaijbienq gwnndoet gezgou fuengsik daeuj gaijgez. Lumjbaenz bingzseiz habdangq hawj lwgnyez gwn di doxgaiq ndaengq ndeu.

Danhfanz gij doxgaiq hamz gyaz、naz、gai、meij daengj yenzsu cungj dwg gij doxgaiq hamz ndaengq, lumjbaenz lwgmak、byaekheu、gij huq aeu duh guh、haijdai daengj.

Wzdungz conhgyah genyi naeuz, lwgnyez youq ngoenznaengz gwnndoet ndawde wng siuj gwn noh caeuq bya daengj gijgwn hamz youzlauz lai haenx, wng lai gwn di gijgwn aeu duh daeuj guh caeuq cij he. Gij huq diemz nywnx、gij huq youz caq caenhliengh siuj gwn, lai gwn di byaekheu、lwgmak、huq ndaw haij daengj, gij huq singjsien neix ndaej hawj lwgnyez uk lai lingz.