Bya hung. Gij bya hung youq ndaw dah、ndaw huz、ndaw mieng ep ndaej haenx, gojnwngz deng nengzbingh roxnaeuz vayoz ganj- yenj gvaq, ceiq ndei gaej gwn.

Noh ndip caeuq noh buenq ndipcug. Cungj noh neix gojnwngz hamz miz daihliengh nengzbingh caeuq binghdoeg, aeu cawj cugdaeuq cij ndaej gwn. Lingh- vaih, gaej gwn gyaeqgaeq buenq ndipcug, cien gwn seiz aeu cugdaeuq.

Gaej gwn gij huq ndaw haij, mboujlwnh dwg cawj cug roxnaeuz oenq cug cungj mbouj ndaej gwn. Gwn le rox yinxhwnj lwg- ndawdungx lonlwg、bienqhingz、daigaemz.

Gaej gwn gij yinjliu caengz ginggvaq gauhvwnh siudoeg haenx. Gaej cawx laeuj cangh- buenq gag siu roxnaeuz raemxmak canghbuenq gwnzhaw ma gwn. Gij huq neix gojnwngz hamz miz dacangzganjgin daengj nengz- bingh, aenvih caengz deng gauhvwnh siudoeg gvaq, gwn le yungzheih ndaej bingh.

Ngaz byaekheu、ngaz laux- baeg、ngaz duhheu gaej gwn ndip, gij ngazbyaek neix gojnwngz hamz miz nengzbingh, doiq meh- daiqndang caeuq lwgndawdungx miz yingjyangj gig daih.

Gaej gwn gijgwn yungzheih hwnjnwnj haenx. Danghnaeuz mehdaiqndang ndaw gyog miz vunz doiq moux cungj gijgwn miz hwnjnwnj, lwgndawdungx hix gojnwngz rox hwnjnwnj. Ndigah, mwh daiqndang geizgan mbouj ndaej gwn duhdoem caeuq gijgwn yungh duhdoem guh haenx.

Aenvih laeuj rox hawj lwgndawdungx noix yangjgi, yingjyangj aen’uk lwgndawdungx fatmaj, ndigah mbouj ndaej gwn laeuj. Linghvaih, gwn caz daiq lai rox hawj lwgnding byom iq, ndigah ceiq ndei mbouj gwn caz.