Bonjbauq siusik(gicej Dangz Lungz) Ciuq Gvangjsih Sinhvwnz Vangj siusik, 1 nyied 13 hauh, Swcigih Yinzminz Cwngfuj Ban- gunghdingh fatbouh aen dunghcih gvendaengz 2014 nienz“Sam Nyied Sam Bouxcuengh”cuengqgyaj de. Aen dunghcih neix dingh bineix ngoenzciet “Sam Nyied Sam Bouxcuengh”neix daengx gih youq 4 nyied 2 hauh daengz 3 hauh (liggaeuq sam nyied cosam、coseiq) cuengqgyaj. Aen dunghcih neix iugouz gak gaep cwngfuj nem mizgven bumwnz daezsang yinsiz, cungfaen leihyungh dangdieg swhyenz, gyagiengz senh- conz gij yiyi hungmbwk minzcuz cietgingq, caemhcaiq cujciz nem sonyinx guh hozdung ndawbiengz. Gij siusik neix okdaeuj le, daengx gih gak minzcuz beixnuengx cungj gig angq dwk hemq naeuz：“Ndaej laex gvaq cieng moq!”

Swcigih Dangjveij、Swcigih Yinzminz Cwngfuj dingh liggaeuq“Sam Nyied Sam”guh ngoenzciet youqgaenj conzdungj minzcuz, caemh- caiq cuengqgyaj 2 ngoenz. Neix couh ndaej hawj vunzlai swnjcienz nem hungzyangz gih raeuz gij minzcuz conzdungj vwnzva maenhndei, coicaenh gih raeuz seveicujyi cing- saenz vwnzmingz gensez, caenh- itbouh laebmaenh nem fazcanj cungj seveicujyi minzcuz gvenhaeh doengz- bingz、doxgiet、doxcoengh、huzndei neix, coicaenh gak minzcuz doengz- caez doxgiet haenqguh, doengzcaez hoenghhwd fazcanj.