Bonjbauq siusik(gicej Dangz Lungz) 1 nyied 14 hauh banhaet, Daengx Gih Minzveij Minzyijveij Hidungj Gunghcoz Veiyi aeu sibinz veiyi hingzsik hai, Swcigih Minzveij、Minzyijveij cujyin Luz Yenbenj youq gwnz hoih cienz gij vah Cunghyangh、swcigih lingjdauj gangj de nem daengx guek minzveij cujyin veiyi cingsaenz, cungjgez bi’gvaq daengx gih minzcuz minzyijvwnz gunghcoz, anbaiz bineix daengx gih minzcuz minzyijvwnz gunghcoz. Baez hoih neix youz Swcigih Minzveij fucujyin Vuz Daivei cujciz.

Luz Yenbenj naeuz, bi’gvaq, gih raeuz hong minzcuz aeundaej cingzcik moq. It dwg nyinhcaen rapdawz aen cwzyin daeuz henhoh doxgiet, haenqrengz laebmaenh cungj seveicujyi minzcuz gvenhaeh doengzbingz doxgiet doxcoengh huzndei de. Ngeih dwg gaenjmaed hopheux aen yinvu daeuz gyavaiq fazcanj, cizgiz coi gij dieg saujsu minzcuz comzyouq de ginghci sevei fazcanj. Gih raeuz bi’gvaq ndaej guekgya hawj cienzngaenz fazcanj saujsu minzcuz 2.065 ik maenz, swcigih hawj cienzngaenz fazcanj saujsu minzcuz 2000 fanh maenz, demgya gig lai. Sam dwg daengx gih minzcuz yijvwnz gunghcoz aeundaej cingzcik moq. Sawcuengh fanhoiz fuzvu nem sinhvwnz okbanj gunghcoz ndaej caenh’itbouh gyagiengz.《Gvangjsih Minzcuz Bau》nem《Sam Nyied Sam》 gij hong bien nem okbanj aeundaej cingzcik moq, miz diemjrongh. Seiq dwg haenqrengz doihaeuj seveiva gunghcoz, roengz- rengz comz gij rengz ndawbiengz daeuj coengh guhhong. Haj dwg aeu daezsang guhhong suijbingz guh muzbyauh, nyinhcaen gag gyagiengz gensez ndei song veij, gij hong minzcuz siusik caiq ndaej cingzcik moq. Bi’gvaq gih raeuz youq daengx guek minzveij hidungj siusik gunghcoz bingzbeij ndawde ndaej“lienzdaemh seiq bi daih’it”, gij vangjcan song veij gihgvanh nem 《Gvangjsih Minzcuz Bau》guh ndaej engq ndei.

Luz Yenbenj lij vixok youq seizdaih moq guh ndei hong minzcuz minzyijvwnz yaek gaemmaenh haj aen fuengmienh, caemhcaiq doiq bineix song veij guh hong daezok iugouz moq.

Swcigih Gijveij baij youq Swcigih Minzveij Gijgenjcuj cujcangj Siuh Siengzvaz youq gwnz hoih guh dangjfungh lenzcwng baugau. Baez hoih neix lij dunghbau nem byaujcangh doengh’aen cizdij nem doenghboux ndaw minzveij hidungj ndaej ngeihdaengjgoeng de、ciem- dingh danghfungh lenzcwng gensez cwzyinsuh nem byaujcangh gij senhcin cizdij nem bouxvunz bi’gvaq guh hong siusik gig ndei de.

Swcigih Minzveij、Minzyijveij lingjdauj nem daengxcungq ganbu cizgungh nem doenghboux lingjdauj cizsuz danhvei, Nanzningz Si Minz- veij daengxcungq ganbu cizgungh nem ndaw si gak yienh(gih) minzcuz、minzyij、gijgenj bumwnz doenghboux fucwz caeuq doengh- boux mizgven daengj gungh 200 lai vunz youq Nanzningz camgya baez hoih neix.

Ndaw gih gak si、 yienh(gih) laeb faen hoihciengz.