●Bi’gvaq, Denhdwngj Yen cizgiz comzcienz guh suijli gungh- cwngz, fazcanj ginghci, gaijndei minzswngh. Daengz dangqnaj, aen yienh neix gungh guh suijli hanghmoeg 157 giz, guh sat suijli roengzngaenz 1.1 ik maenz.

(Vangz Lilanz)

●Geij ngoenz gonq, Dasinh Yen Wnhcwngz Yangh fat fuz- hozfeiz hawj 22 hoh nungzyez gohgi sifan, moix hoh 50 goenggaen. Doengzseiz guh ndei haeuj ranz sonyinx gisuz caemhcaiq cujciz gohgi sifanhu beizyin, cungdenj sonyinx baenzlawz fuengzre nonhai gooij、haeuxyangz、lwgmak daengj.

(Linz Libingz)

●Daengz 2013 nienz 12 nyied ndawcib, Denzlinz Yen Yangzgvangh Gunghcwngz Beizyin Bangunghsiz gungh beizyin 1000 lai vunz guhhong lajmbanj, ndawde beizyin doenghboux nungzyez cienhangh gisuz 500 vunz, nungz- yez cizyez ginaengz 500 vunz. Doenghboux camgya beizyin de cungj dwg vunz saujsu minzcuz, mizyauq dwk hawj gyoengqde daezsang dajndaem nem guhhong ginaengz.

(Banh Sauginh)

●Gaenh duenh seizgan daeuj, Sanhgyangh Dungcuz Swciyen Duzdung Yangh ganbu nem ginzcung doengzcaez roengzrengz coih Myauzvaz Lenbeiz Dungcuz Giuzndojfwn. Aen giuz neix gaenq miz 156 bi nanz lo, giuz raez 65 mij, dwg doenghgij daibyauj vwnzva Dungcuz.

(Yangz Mingz Moz Cinhsi)

●Geij ngoenz gonq, Nazboh Yen minzcuz dijyuzgvanj youq dieg baihsae yienhsingz doenghgoeng lo. Ciuq cam rox, aen gvanj neix ciemq dieg 20.2 moux, guh baenz le ndaej caemhseiz guh 10 hangh dijyuz doxdax.

(Vangz Bizvaz)