●1 nyied 7 hauh banhaet, Dava Yauzcuz Swciyen Yauzcuz Yozvei laebbaenz caeuq daih’it baez veiyenz daibyauj daihhoih youq Dava Yauzcuz Swciyen hai, 65 boux yozyenz daibyauj daj gihcwngz daeuj camgya baez hoih neix. Baez hoih neix daezok bineix gunghcoz yaudenj nem gij dajsuenq haj bi laeng.

(Vangz Vwnzboh)

●Geij ngoenz gonq, Denh- dwngj Yen caizcwng bumwnz gungh bued 1646 fanh maenz coengh lajmbanj yivu gyauyuz boizcaiq, coengh lajmbanj 80 aen yozyau 262 aen hanghmoeg 318 baih yiemqcaiq boiz, neix mizrengz dwk doi daengx yienh gyauyuz gengangh fazcanj.

(Liengz Cwngzfuj Nungz Haijvei)

●1 nyied 7 hauh, Nazboh Yen youq Bingzmung Cin Bwzdouj Cunh gawjhengz cunh gaep vwnzyidui yinhyangj fatcuengq yizsi, dawz 18 dauq yinhyangj nem dwnghgvangh sezbei(moix dauq dij 1.8 fanh maenz) fat hawj lai aen cunh gaep vwnzyidui, yungh daeuj bang Bingzmung Cin Bwzdouj Cunh、Nazvan Cunh daengj daengx yienh 18 aen cunh gaep vwnzyidui.

(Vangz Bizvaz)

●Gaenq bi daeuj, Vuzcouh Si Minzveij cizgiz sonyinx minzcuz canjbinj giyez bangcoengh sevei. Lumj bi’gvaq sonyinx Vuzcouh Ciyau (Cizdonz) Gujfwn Youjhan Gunghswh roengzrengz coengh aen si neix dieg saujsu minzcuz coihguh veiswnghyen, gien gij yw、gijgwn baujgen daengj gungh dij 2900 fanh maenz.

(Liuz Gozvwnj)

●Gaenh duenh seizgan, Cungzcoj Si youq daengx si cienzmienh guh siengjmuengh Cungguek cienzciengq fwen hozdung, miz 100 lai souj go ciengq siengjmuengh Cungguek ndaej cauh okdaeuj, vunzlai cienzciengq.

(Liuz Cinghgveiz)