Gaenh bi daeuj, Yungzsuij Myauzcuz Swciyen gak gaep dangjveij、cwngfuj dawz guh hung guh giengz minzcuz funghcingz lijyouz dangguh yiengh hong youqgaenj ndeu daeuj gaem, aeundaej cingzcik yienhda.

It dwg ndwn youq giz sang、ciuq iugouz sang bae guh lijyouz fazcanj gveihva, cungdenj hopheux“singz ndeu (yienhsingz)、bya ndeu (Byayenzbaujsanh)、dah ndeu (Dahbeigyangh)、ciet ndeu (cietqmaxdoxdik)” bien sat lijyouz cungjdij gveihva nem cujyau lijyouz gingjdenj cungjdij gveihva.

Ngeih dwg roengz geij ik maenz hwnjguh、gaijguh lijyouz gingjdenj gihcuj sezsih, gyarengz beizyin doenghboux guh hong lijyouz de. Dangqnaj daengx yienh miz guekgya 4A gaep gingjgih aen ndeu, 3A gaep gingjgih 4 aen, lijhingzse 5 aen, singhgiz binhgvanj 3 aen, binhgvanj 150 lai aen, lajmbanj lijyouz nungzgyahloz gizciepdaih 50 ranz, doenghboux guh hong lijyouz 16000 lai vunz.

Sam dwg gaihcanj gak cungj gak yiengh senhconz doigawj gaisau hozdung. Lai baez gawjbanh ndei ciet boq venz maxdoxdik、ruzlungz doxdax、 ciet baebo venz、ciet baebo、ciet mangzhauh、Cungguek Myauzcuz vwnzva lundanz、go Myauzcuz、go Dungcuz、fwen yenjcangvei hung daengj baenz buek minzcuz vwnzva hozdung.

Seiq dwg 2010 nienz gonqlaeng ndaej gih raeuz nem guekgya mizgven bumwnz bingzguh Gvangjsih lijyouz yen maenhndei、“Cungguek mbanjranz boq venz maxdoxdik”、“Cungguek gizdieg minzcuz funghcingz lijyouz ceiq ndei”、“Cungguek gizdieg aenvenz swnghdai lijyouz ceiq ndei”、“Cungguek gij cietgingq ceiq miz minzcuz daegsaek”daengj.

Haj dwg doenghboux hekyouz daeuj Yungzsuij youz de yied daeuj yied lai, bi’gvaq gozging couh de miz 20 fanh vunzbaez daeuj, lizsij ceiq lai. (Fung Sauswh Veiz Lonzcih)