Gaenh bi daeuj, Yinhcwngz Yen aeu daezswng nungzyez canjyezva guh muzbyauh, roengz cienz rengz fazcanj daegsaek nungzyez, gyarengz gaijbienq nungzyez gezgou, mboujduenh daezsang daegsaek nungzyez yauyiz, haenqrengz hawj gyoengqvunz saujsu minzcuz diegbya laisou. Aen yienh neix dingh ndei naemjfap liux, gibseiz ok buek cwngcwz youhvei nem buek banhfap hawj vunzlai souh’ik he, baengh daegsaek canjyez hawj vunzlai laisou, aeu cwngcwz fuzvu hawj vunzlai simraeuj. Bi’gvaq, aen yienh neix roengz 80 lai fanh maenz bangcoengh fazcanj rangh sifan dajndaem vagimngaenz de, roengz 500 fanh maenz boujdiep dajndaem oij moq, caemhcaiq ciengj doenghboux ndaem oij lai gvaq gij soq dingh de, haenqrengz doigvangq ndaem oij laeg, roengz 130 fanh maenz, bangcoengh ndaem suen gosangh moq 0.65 fanh moux. Linghvaih, aen yienh neix lij doenggvaq gij giyez gyagoeng vagimngaenz、guh dangz、gyagoeng seireh, cugmbaek guhbaenz swngh- canj、gyagoeng、gaicawx daengj canjyez boiqdauq, hawj vunzlai youq ranz couh ndaej baenzfouq.

(Liengz Cwngzfuj)