Vadauz hai lo, youq ndaw mbanj naj ranz laeng ranz hai dwk. Daj giz gyae yawj gij va haenx, couh lumj gaiq baengzva gyaeundei he; daj giz gyawj yawj, mbawdauz couh lumj baenz benq baenz benq nae, gyaeundei raixcaix.

Moix baez yawjraen vadauz, gou couh siengj hwnj boux doengznaengh gou, de heuhguh Siujbwz. De biz hau biz hau, gij byoemgyaeuj de youh dinj youh ndaem youh ndongq, dwggyaez dangqmaz.

Geiqndaej mwh haenx, lauxsae hawj gou caeuq Siujbwz doengz- naengh, ndigah dou baenz baengzyoux ndei. Mwh hwnjdangz, gou miz di vwndiz mbouj aiq rox, roengzdangz le, de cungj son daengz hawj gou rox, cuengqhag le dou itheij baema ranz, daengz ranz le dou itheij guh cozyez, itheij naemj gij vwndiz mbouj rox haenx. Miz baez ndeu, gou mbouj camgya gaujsi, ndoj youq mbiengj he daejsoebsoeb, Siujbwz raen le gvaqdaeuj cam ok maz saeh, gou naeuz gou mbouj gaujsi, lau baema ranz deng bohmeh ndaq couh daej lo. Siujbwz nai gou naeuz:“Mbouj youqgaenj law, cijaeu nyinhcaen fuzsiz, baezlaeng couh itdingh gauj ndaej ndei.” Siujbwz gietdingh caeuq gou bae laj godauz fuzsiz. Doenggvaq haenqrengz, doeklaeng gou gaujsi cingzcik gig ndei.

Miz vunz nyinhnaeuz, boux- doengznaengh dwg feiz, ndaej ciuqrongh diuzroen baihnaj; miz vunz nyinhnaeuz, bouxdoengz- naengh dwg aenliengj, ndaej bang mwngz cw rumz dangj fwn; gou nyinhnaeuz bouxdoengznaengh dwg va, ndaej hawj mwngz simsangj swdswd.

(sam nienzgaep Vuz Hau)