Ngoenzneix ndit rongh mbwn gvengq, gou angqfwdfwd daeuj cozvwnzbanh hwnjdangz.

Baez hwnjdangz, lauxsae couh naeuz hawj dou sawqsawq guh bouxgyad, heuh dou fwngz ndeu duet buh. Gyoengq doengzhag cungj simdoengh yedyed, bouxboux cungj gingzfwngz siengj sawq. Lauxsae hawj gou bouxnduj sawq, gou gig vaiq couh duet ndaej mbiengj gen buh he, yungh gaeumbaq caeuq aen- gyaeuj gaemh cih buh he, baez yungh rengz beng couh beng ndaej lahlen lo.

Baez daihngeih, lauxsae heuh dou fwngz ndeu daenj buh, daeg doengzhag ndeu naeuz:“Haha, neix doiq gou daeuj gangj heih lumj maz nei.” Hainduj sawq guh lo, lauxsae heuh daeg doengzhag he caeuq dah doengzhag he sawq guh. Gyoengqde gig vaiq couh daenj ndaej buh lo, ciep roengzdaeuj couhdwg beng lahlen, beng le geijcib baez cungj beng mbouj hwnjbae, daeg doengz- hag haenx naemj bae naemj dauq. Doeklaeng, de da baez baenq, aeu ga geb buh, fwngz beng cih buh, aeu bak gamz gyaeuj lahlen baez beng, lahlen beng hwnjbae lo. Lahlen yaek beng daengz gyaeuj seiz, bak de naiq lo, lahlen youh yaek vad roengz- daeuj. Gyoengq doengzhag cungj gag hemq hwnjdaeuj:“Gyayouz, gyayouz!”Sawqmwh, sing bekfwngz yiengjroebroeb, daeg doengzhag haenx beng ndei lahlen lo.

Laxlawz, bouxgyad caen mbouj yungzheih ha! Gvaqlaeng, dangh- naeuz gou bungz bouxgyad, gou itdingh bangcoh gyoengqde, guh boux lwgnyez maij bang vunz he.

(ngeih nienzgaep Hoz Loz)