12 nyied 13 hauh, Dwzbauj Yen youq Sawcuengh Yozyau venj baiz laebbaenz Cuengh Gun song vah saw gyauyuz beizyin cungsim. Dwzbauj Yen dwg gih raeuz aen yienh sawqdiemj guh Cuengh Gun song vah saw sonhag haenx, miz Duh’anh Yangh Cungsim Yozyau、Lungzsangh Cin Cungsim Yozyau、Duh’anh Yangh Gizgyangh Cunh Vanzsiuj、Nazgyaz Yangh Dingluz Cunh Vanzsiuj、Nazgyaz Yangh Dohmuz Cunh Vanzsiuj、Nazgyaz Yangh Nazluz Cunh Vanzsiuj daengj 3 aen yangh(cin) 7 aen yozyau dwg gih raeuz Cuengh Gun song vah saw sonhag sifan gihdi.

Laebbaenz Cuengh Gun song vah saw gyauyuz beizyin cungsim le, daezhawj cujciz baujcang gig miz rengz hawj aen yienh neix ndaej gyagiengz Cuengh Gun song vah saw gyauyuz gohyoz yenzgiu, caenh- itbouh daezsang gij guenjleix、yenzgiu naengzlig nem gij suijbingz sonhag doenghboux guh Cuengh Gun song vah saw gyauyuz haenx, daezsang Cuengh Gun song vah saw gyauyuz sonhag cizlieng, doihaeuj Cuengh Gun song vah saw sonhag gaijbienq nem fazcanj baenaj.

(Nungz Yungjfang)