●12 nyied 11 hauh, Cungzcoj Si Minzveij、Minzyijveij ganbu cizgungh bae daengz“Cungguek mbanjranz yisuz denhginz”—Lungzcouh Yen, soengq 12 aen denhginz Bouxcuengh hawj Lungzcouh Minzcuz Cunghyoz, aeu neix daeuj cihciz bangcoengh denhginz Bouxcuengh beizyin gihdi.

(fouzcoh)

●12 nyied 10 hauh daengz 13 hauh, Gveilinz Si Minzveij youq Lungzswng Gak Cuz Swciyen banh aen mbanj daegsaek henhoh nem fazcanj gunghcoz beizyinbanh, baez neix gungh banh 4 ngoenz. Daengx si 12 aen yienh nem Yensanh Gih doenghboux bumwnz lingjdauj、Lungzswng Gak Cuz Swciyen 10 aen yangh(cin) doenghboux lingj- dauj nem vunz guh hong minzcuz de gungh 45 boux camgya baez beizyin neix.

(Cangh Gaijgiz)

●12 nyied 14 hauh ban- haet,《Fwen Lwnh Baeuqroxdoh》（Sawcuengh Sawgun Yinghyij doiqciuq） okbanj fathengz codanz- vei youq Denzyangz Baeuqroxdoh Vwnzva Cungsim hai. Bonj saw neix ok le doiq vatgud、swnjcienz nem riuz vwnzva Bouxcuengh bae gyae caemhcaiq riuz doh seiqgyaiq miz cozyung gig hung.

(Vangz Yisiu)

●12 nyied 13 hauh, Lungz- linz Gak Cuz Swciyen senh- gyangjdonz daengz Dwzngoz Cin Lungcaz Cunh gaihcanj Dangj Cibbet Daih Cingsaenz senhgyangj hozdung, 40 lai boux dangjyenz ginzcung daeuj henz dingq. Baez hozdung neix aeu vah Myauzcuz daeuj gangj, yaugoj gig ndei.

(Dauz Dwzgvangh)

●Daj bineix daeuj, Nazboh Yen Minzcuzgiz gig yawjnaek hong fatbouh siusik minzcuz. Daengz 12 nyied 15 hauh, gungh ndaej sinhvwnz meizdij yungh 168 diuz, ndawde Cunghgoz Minzcuz Bau aeu 4 diuz, Gvangjsih Minzcuz Bau aeu 45 diuz, Swcigih Minzveij Vangj aeu 39 diuz, Nazboh Yen Cwngfuj Vangj aeu 80 diuz.

(Vangz Bizvaz)