12 nyied 16 hauh, Swcigih Dangjveij Cangzveijvei lwnhyaeng ndei liux dingh gih raeuz liggaeuq“Sam Nyied Sam”cuengqgyaj. Gaxgonq, aen genyi neix gaenq youz Swcigih Cibngeih Gaiq Yinzminz Cwngfuj Daih 17 Baez Cangzveijvei lwnhyaeng doenggvaq. Daj neix hwnj, liggaeuq“Sam Nyied Sam”ndaej cingqsik dinghguh gih raeuz ngoenzciet conzdungj minzcuz, Swcigih Dangjveij、Swcigih Yinzminz Cwngfuj hawj vunz ndaw gih raeuz cuengqgyaj 2 ngoenz.

Liggaeuq“Sam Nyied Sam”ndaej gih raeuz Bouxcuengh、Bouxgun、Yauzcuz、Myauzcuz、Dungcuz daengj dangguh ngoenzciet youqgaenj. Youq Nanzningz、Liuj- couh、Bwzswz、Hozciz、Cungzcoj、Laizbinh、Ginhcouh、Fangzcwngz- gangj daengj si, gij dieg Bouxcuengh、Yauzcuz、Myauzcuz、Dungcuz daengj comzyouq nem mizmbangj Bouxgun daihgaiq gungh miz 2700 lai fanh vunz, miz gij sibgvenq dawz liggaeuq“Sam Nyied Sam”dangguh ngoenzciet youqgaenj. Swcigih Dangjveij、Swcigih Yinzminz Cwngfuj dingh liggaeuq“Sam Nyied Sam”guh ngoenzciet youqgaenj conzdungj minzcuz, caemhcaiq cuengqgyaj 2 ngoenz. Neix couh ndaej hawj vunzlai swnjcienz nem hungzyangz gih raeuz gij minzcuz conzdungj vwnzva maenhndei, coicaenh gih raeuz seveicujyi cingsaenz vwnzmingz gensez, caenh’itbouh laebmaenh nem fazcanj cungj seveicujyi minzcuz gvenhaeh doengzbingz、doxgiet、doxcoengh、huzndei neix, coicaenh gak minzcuz doengzcaez doxgiet haenqguh, doengzcaez hoenghhwd fazcanj.

(Couh Vwnz)