Ndat ndang hozdung aeu cungfaen.

Seizdoeng mbwn nit, dangh- naeuz mbouj ginggvaq ndat ndang hozdung couh bae lienhndang, ciengz dwg noh deng rag sieng、hoh deng niujsieng. Ndigah, seizdoeng lienhndang seiz, sien aeu guh ndat ndang cunjbei, doenggvaq menhbuet、guh dijcauh le, hawj aenndang loq ok di hanh ndeu menhcij guh yindung.

Buhvaq na mbang aeu habngamj.

Seizdoeng bae lienhndang, hainduj seiz daenj buhvaq lai di na di, buhvaq unq gaej daiq ndaet, ndat ndang le, duet saek geu buh na bae. Lienhndang seiz danghnaeuz ok hanh lai aeu gibseiz uet hawq, vuenh gij buhvaq、haizmad dumz bae, gibseiz daenj buh daenj mauh, fuengz ndat fwifat. Linghvaih, bae rog ranz hozdung aeu guh ndei bauj raeuj, lienh sat doq sikhaek dauq haeuj ranz uet hanh hawq, rieg daenj buhvaq seuqcingh.

Vanzging aeu cwxcaih.

Seizdoeng youq ndaw ranz hozdung seiz, ndaw ranz itdingh aeu baujciz hoengheiq singjsien、riuzdoeng ndei. Doengzseiz aeu haeujsim, mwh dienheiq diuzgen daiq yaez lumj fat rumz doek nae seiz, camhseiz gaej ok rog bae hozdung. Danghnaeuz aeu okbae hozdung, wng senj youq giz miz ndit boih rumz daeuj lienh.

Lienhndang fuengfap aeu habngamj.

Aenvih seizdoeng nit lai, lienhndang aeu okrengz caemh- caiq aeu daezsang giengzdoh, habdangq ragraez lienhndang seizgan, yungh daeuj gaijndei gihnwngz caeuq siuhauq lauz ndaw ndang, fuengz lauz cwk youq daiq lai.