“Bi’gvaq, gou ndaej gai noulwg 1000 lai doiq, souhaeuj cinghseuq mauhgvaq 26 fanh maenz.”Boux gangj vah neix dwg Gunghcwngz Yauzcuz Swciyen Gunghcwngz Cin Couhdangz Cunh Mbanjyangzliujcingj boux dajciengx noufaexcuk heuhguh Gangh Mingz. Gaenh bi daeuj, aen yienh neix yenveij、cwngfuj gibseiz gaijbienq gij dajsuenq, haenqrengz sonyinx nungzminz fazcanj gij hangh- moeg dajndaem roengzngaenz siuj、seizgan dinj、ndaej sou lai haenx, yienghneix le dajciengx noufaexcuk couh hoengh hwnjdaeuj lo. Yienz- naeuz doenghboux lumj Gangh Mingz bi ndaej geijcib fanh haenx mbouj miz geijlai, danhseih gizgiz cungj miz doenghboux doenggvaq dajciengx noufaexcuk moix boux ndaej 4000 daengz 5000 maenz. Daengz bi’gvaq byaisat, daengx yienh miz doenghgij ranz dajciengx noufaexcuk haenx 1670 hoh, bi ndaej gai noufaexcuk 20 fanh duz, canjciz mauhgvaq 3000 fanh maenz, ndaej canh 2000 lai fanh maenz, bingzyaenz moix hoh canh 1.2 fanh maenz.

(Couh Binjsiuh Cinz Cwng)