●Geij ngoenz gonq, Lungz- swng Gak Cuz Swciyen Bingzdwngj Yangh Siujgyangh Cunh miz 400 moux vagut sanhvangz gonqlaeng ndaej mbaet lo. Bineix, aen yienh neix gyarengz gaij gij gezgou guh canjyez dajndaem, doidoengh canjyez dajndaem conzdungj yiengq daegsaek nungzyez、ngonzyawj nungzyez gaijbienq, daegsaek dajndaem gaenq baenz aen diemjrongh moq hawj nungzyez lai miz yauliz nungzminz laisou haenx.

(Siz Nungzbingh Vuz Haijvaz)

●Gaenq cib bi daeuj, Yungz- anh Yen Cangzanh Cin Yauzsung Cunh gungh dajndaem makbug diengz 1000 lai moux. Bineix daengx cunh gij makbug neix canjlieng beij bi’gvaq demlai, caiq gya gij gyaq hwnj lo, guj daengx mbanj bingzyaenz moix hoh ndaem makbug haenx souhaeuj mbouj daemq gvaq 1.8 fanh maenz.

(Veiz Cujswz Cinz Cisingh)

●Geij ngoenz gonq, Nazboh Yen Cwngzsiengh Cin Dazlaz Cunh Mbanjnenbiz Yizcuz diuz roen- suijniz mbanj gaep guhsat caemhcaiq ndaej doeng ci, neix hawj ndaw mbanj 80 ranz 406 boux Yizcuz ndaej souh’ik, hix gaijndei gij diuzgen swnghcanj swnghhoz dangdieg.

(Vangz Bizvaz)

●Laebdoeng gonqlaeng, Gvangjsih gak dieg cingq nyaengq ndaem majlingzsuz. Ciuq cam rox, bineix gih raeuz dajndaem maj- lingzsuz gaenq miz bak fanh moux, lij ceng’aeu ndaem daengz 120 fanh moux dem.

(Yi Sienghcenz)

●Daj bineix daeuj, Yungzsuij Myauzcuz Swciyen Bwzyinz Yangh Dangjveij、Cwngfuj roengz cunh haeuj mbanj, 40 lai boux dangjyenz ganbu faen baenz 13 cuj, mbouj dingh seiz daiq nohmou haeuj mbanj haeuj ranz, caeuq vunzmbanj caemh gwn、caemh youq、caemh guhhong, vih ginzcung ok geiqmaeuz、coengh laisou, aeu neix daeuj gaihcanj ginzcung lusen gyauyuz sizsen hozdung.

(Lungz Linzci)